Karimjon Qosimov
| Karimjon Qosimov | |
|---|---|
 | |
| Tavalludi |
1954-yil 10-yanvar Andijon tumani |
| Fuqaroligi | O‘zbekiston |
| Kasbi | muhandis-mexanik |
| Ish joylari | Andijon mashinasozlik instituti |
| Ilmiy unvoni | texnika fanlari doktori, professor |
| Veb-sayt | https://web.andmiedu.uz/uz |
Karimjon Qosimov (1954-yil 10-yanvar) – oʻzbekistonlik olim, texnika fanlari doktori, professor, katta leytenant. Andijon mashinasozlik instituti Texnologik mashinalar va jihozlar kafedrasi professori[1].
Tarjimayi holi
[tahrir | manbasini tahrirlash]Karimjon Qosimov 1954-yilda Andijon viloyati, Andijon tumani Xartum qishlogʻida tugʻilgan. 1979-yilda Andijon paxtachilik institutining Qishloq xoʻjaligini mexanizatsiyalash fakultetini tugatgan, muhandis-mexanik. Oilali, 6 nafar farzandi bor.
Mehnat faoliyati
[tahrir | manbasini tahrirlash]Mehnat faoliyatini 1979-yilda Andijon viloyat qishloq xoʻjalik boshqarmasida mehnatni muhofaza qilish injeneri lavozimidan boshlagan. 1980-1981-yillarda Andijon tumanida Karl Marks sovxozida injener, 1981-1990-yillarda Andijon paxtachilik institutining Metallar texnologiyasi va mashina detallari kafedrasida assistent, 1990-1993-yillarda Andijon qishloq xoʻjalik institutining Mashinalar puxtaligi va remonti kafedrasida katta oʻqituvchi, dotsent va kafedra mudiri, 1993-1998-yillarda Andijon muxandislik-iqtisodiyot instituti katta oʻqituvchisi, dotsent, kafedra mudiri, 1998-2004-yillarda Andijon qishloq xoʻjalik institutida avval sirtqi taʼlim, keyin kunduzgi Agroinjeneriya fakulteti dekani, Metallar texnologiyasi va mashina detallari hamda 2004-2011-yillarda Umumiy texnika fanlari va hayot faoliyati xavfsizligi kafedralarida dotsent vazifalarida faoliyat yuritgan. 2011-2014-yillarda Andijon mashinasozlik institutida kafedra dotsenti, mudiri, fakultet dekan, 2018-yil sentyabr oyidan 2022-yilga qadar Texnologik mashina va jihozlar kafedrasi dotsenti. 2022-yildan buyon mazkur kafedra professori hisoblanadi.
Ilmiy faoliyati
[tahrir | manbasini tahrirlash]1985-1988-yillarda Moskvadagi Traktorlar va qishloq xoʻjaligi mashinalarini taʼmirlash va ulardan foydalanish davlat ilmiy tadqiqot texnologik instituti aspiranturasida ishlab chiqarishdan ajralgan holda oʻqigan va 1989-yilda Ulyanovsk qishloq xoʻjalik institutida „Kukunli qoplamalarni elektr kontaktli payvandlash koʻrsatkichlari va usullarini asoslas]“ (Obosnovanie pokazateley i rejimov vosstanovleniya detaley elektrokontaktnoy privarkoy poroshkovix pokritiy) mavzusida nomzodlik dissertatsiyasini yoqlagan[2].
Qosimov Karimjon oʻzi olib borayotgan ilmiy ishlari bilan Fan va texnologiyalar Markazining innovatsiya tanlovining bir necha bor gʻolibi boʻlgan. Jumladan, 2003-2004-yillarda №ZI-5-04 raqamli „Qishloq xoʻjaligi mashinalari qismlarining ashınma qarshiligini oshirish texnologiyasini oʻzlashtirish“, 2014-2015-yillarda № IK-2014-5-19 raqamli „Qishloq xoʻjalik texnikalarining yeyilishga chidamliligini oshirish texnologiyasini ishlab chiqarishga joriy etish“ mavzusidagi innovatsion loyihalar rahbari, 2016-2017-yillarda №I-2016-2-26/1 „Yerlarni ekishga tayyorlovchi kombinatsiyalashgan mashinaning sanoat nushasini tayyorlash va ishlab chiqarishga joriy etish“ mavzusidagi innovatsion loyiha ishtirokchisi sifatida faoliyat olib borgan. Qosimov Karimjon 200 dan ortiq chop etilgan ilmiy-uslubiy ishlarning muallifi boʻlib, shundan 4 ta darslik, 5 tasi oʻquv qoʻllanma, 5 tasi monografiya va 50 dan ortigʻi ilmiy jurnallardagi maqolalardan[3] [4], 15 dan ortigʻi ixtirochilik guvohnomasidan iborat.
Erishgan yutuqlari
[tahrir | manbasini tahrirlash]Qosimov Karimjon talabalik yillarida aʼlo oʻqishi va faolligi uchun Lenin nomli stipendiya, hamda Polshada oʻtkazilgan xalqaro talabalar slyotida ishtirok etish uchun yoʻllanma bilan taqdirlangan. 2005-yilda Oʻzbekiston Respublikasi Prezidentining „Isteʼdod“ jamgʻarmasi tomonidan oʻtkazilgan tanlovning grant sovrindori boʻlib, 2006-yilda Moskvadagi Lomonosov nomli Davlat Universitetida malaka oshirib kelgan.
- ↑ „Andijon mashinasozlik instituti Texnologik mashinalar va jixozlar kafedrasi Qaralgan sana=24.07.2024“ (andmiedu.uz).
- ↑ „Karimjon Qosimovning nomzodlik dissertatsiyasii Qaralgan sana=24.07.2024“ (search.rsl.ru).
- ↑ „Karimjon Qosimovning Google akademiyada chop etilgan maqolalari Qaralgan sana=24.07.2024“ (scholar.google.com).
- ↑ „Karimjon QosimovningUniversum ilmiy jurnalida chop etilgan maqolalar Qaralgan sana=24.07.2024“ (7universum.com/ru).