Salmon ibn Ibrohim al Xalifa
| Salmon ibn Ibrohim Al Halifa سلمان بن ابراهيم آل خليفة | |
|---|---|
 Al-Halifa Tehron, Erondagi matbuot anjumanida | |
| FIFA katta vitse-prezidenti | |
|
Mansab davri 2018-yil 8-apreldan – hozirgacha | |
| Prezident | Gianni Infantino |
| Oʻtmishdoshi | David Chung |
| Osiyo futbol konfederatsiyasi prezidenti | |
|
Mansab davri 2013-yil 2-maydan – hozirgacha | |
| Oʻtmishdoshi | Zhang Jilong (vaqtincha) |
| Bahrayn futbol assotsiatsiyasi prezidenti | |
|
Mansab davri 2002-yil 2-oktyabrdan – 2013-yil 1-maygacha | |
| Oʻtmishdoshi | Abdulrahman Sayyar |
| Vorisi | Ali ibn Xalifa al Xalifa |
| Shaxsiy maʼlumotlari | |
| Tavalludi |
Salmon ibn Ibrohim al Xalifa 2-noyabr 1965-yil Riffa, Bahrayn |
| Millati | Arab |
| Turmush oʻrtogʻi |
Shayxa Nada (turm. 1993) |
| Bolalari | 3 |
| Otasi | Ibrohim Al-Xalifa |
| Alma mater | Bahrayn universiteti |
| Kasbi | Futbol funksioneri |
Shayx Salmon ibn Ibrohim Al Xalifa (arabcha: سلمان بن ابراهيم آل خليفة 1965-yil 2-noyabrda tugʻilgan) Bahrayn qirollik oilasi, Xalifa xonadoni aʼzosi. 2013-yilning 2-mayidan buyon Osiyo Futbol Konfederatsiyasi (AFC) prezidenti hisoblanadi. AFC prezidenti boʻlgunga qadar Bahrayn futbol assotsiatsiyasi (BFA) prezidenti (2002–2013)[1], shuningdek Osiyo Futbol Konfederatsiyasi Tartib-intizom qoʻmitasi raisi va FIFA Tartib-intizom qoʻmitasi raisi oʻrinbosari boʻlgan[2]. FIFA kengashi aʼzosi va FIFA taraqqiyot qoʻmitasi raisi.
Biografiya
[tahrir | manbasini tahrirlash]Salmon, Ibrohim ibn Hamad al-Xalifa va Oysha binti Salmon al-Xalifaning (1942-yildan 1961-yilgacha Bahrayn hukmdori boʻlgan Salmon bin Hamad Al Xalifaning qizi) ikkinchi oʻgʻli.
1992-yilda Bahrayn universitetining ingliz adabiyoti va tarixi bakalavriatini tamomlagan. Salmon koʻp yillardan buyon futbol bilan shugʻullanadi. Salmon 1980-yillarning boshlarida Bahrayn 1-divizionidagi Riffa klubining yoshlar jamoasida bir necha yil oʻynagan[3][4].
Oʻqishga eʼtibor qaratish uchun Riffa klubini tark etganidan beri Salmon BFAda rahbar lavozimlarida ishlagan. 1996-yilda milliy terma jamoaga rais boʻlgan. 1998-yilda BFA vitse-prezidenti, 2002-yilda esa prezident etib saylangan. Uning faoliyatiga, shuningdek, FIFA Jahon Chempionatlari, FIFA Plyaj Turnirlari, FIFA Klublar Chempionati va boshqalar tartib-intizom qoʻmitasining hamraisi kiradi. 2008-yilda Pekinda FIFA tartib-intizom qoʻmitasi raisining oʻrinbosari ham boʻlgan[4].
Salmon Bahrayn futbolining „oltin davri“da Bahrayn futbol assotsiatsiyasi prezidenti edi. Milliy terma jamoa 2006-yilgi futbol boʻyicha jahon chempionati va 2010-yilgi futbol boʻyicha jahon chempionati saralash bosqichidan oldinda edi. Jamoa shuningdek, 2004-yilgi Osiyo kubogi yarim finaliga qadar yetib bora oldi va bu terma jamoaning qitʼa chempionatida erishgan eng yaxshi natijasi edi. Milliy terma jamoaning FIFA reytingi ham 2006—2010-yillar davrida Bahrayn futboli tarixidagi eng yuqori pogʻonaga koʻtarilib, 44-oʻringa koʻtarilib oldi[4].
2013-yilning may oyida Salmon Osiyo Futbol Konfederatsiyasi prezidenti etib saylangan. 2015-yil 15-oktyabrda FIFA prezidentligiga nomzodini eʼlon qildi[5]. FIFA prezidentlidagi saylovlarda UEFA bosh kotibi Gianni Infantinoga magʻlub boʻldi. 2019-yilning 6-aprelida Salmon 2019—2023-yillar uchun AFC prezidenti etib ikkinchi toʻliq muddatga raqobatsiz saylandi[6].
2023—2027-yillar uchun OFK prezidenti etib saylandi.
Shaxsiy hayot
[tahrir | manbasini tahrirlash]Salmonning uch farzandi: ikki qizi va bir oʻgʻli bor.
Manbalar
[tahrir | manbasini tahrirlash]- ↑ Posted on » Monday, May 04, 2009. „Sports News » 'I don't want to be AFC head'“. Gulf Daily News (2009-yil 4-may). 2015-yil 23-dekabrda asl nusxadan arxivlangan. Qaraldi: 2017-yil 8-iyul.
- ↑ Disciplinary Committee, FIFA.
- ↑ „Meet the Fifa presidential candidates: Sheikh Salman bin Ibrahim Al Khalifa |“. The National (2016-yil 22-fevral). Qaraldi: 2016-yil 28-fevral.
- ↑ 4,0 4,1 4,2 „Africa: FIFA Presidency - No Love for Sexwale“. AllAfrica.com. Qaraldi: 2016-yil 29-fevral.
- ↑ „Pressure Builds On Sheikh Salman to Respond to Human Rights Allegations“. The Huffington Post (2016-yil 21-yanvar). Qaraldi: 2016-yil 29-fevral.
- ↑ „Sheikh Salman heavy favorite to win FIFA election Friday“. Yahoo News. 2016-yil 29-fevralda asl nusxadan arxivlangan. Qaraldi: 2016-yil 29-fevral.