Shimosuva

Shimosuwa 下諏訪町
Shaharcha
Bayroq Gerb
36°4′10.4″N 138°4′48.7″E
Mamlakat	Yaponiya
Mintaqa	Chubu viloyati
Asos solingan	1889-yil 1-aprel
Maydon	66.87 km2 (25.82 mi²)
Iqlim turi	nam kontinental iqlim
Rasmiy til(lar)i	yapon
Aholisi  (April 2019)	20 055
Zichligi	300 kishi/km2
Vaqt mintaqasi	UTC+9:00
Telefon kodi	0266-27-1111
Shimosuwa

Shimosuva shahridan Suva koʻli

Shimosuva (yaponcha: 下諏訪町 Shimosuva-machi) Yaponiyaning Nagano prefekturasida joylashgan shaharchadir. 2019-yil 1-aprel holatiga koʻra, shaharchada 8864 xonadonda 20055 nafar aholi istiqomat qilgan va aholi zichligi har kvadrat kilometrga 300 kishidan toʻgʻri keladi. Shaharning umumiy maydoni 66,87 kvadrat kilometr (25,82 mi²) ga teng.

Geografiyasi

Shimosuva Nagano prefekturasining markazida, prefektura poytaxti Nagano shahridan taxminan 50 kilometr va Tokiodan 200 kilometr uzoqlikda joylashgan. Shahar janubdan Suva koʻli bilan chegaralangan. Shahar markazi dengiz sathidan 760 metr balandlikda barpo etilgan va hududining 82 % oʻrmonlardan iborat.

Atrofdagi munitsipalitetlar

• Nagano prefekturasi
  • Matsumoto
  • Suva
  • Okaya
  • Nagava

Iqlimi

Shahar issiq va nam yoz hamda sovuq qish bilan tavsiflangan nam kontinental iqlimga ega (Köppen iqlim tasnifi Dfb). Shimosuvada oʻrtacha yillik harorat 7,3 °C ni tashkil etadi. Yillik oʻrtacha yogʻin miqdori 1540 mm boʻlib, sentyabr esa eng seryogʻin oy hisoblanadi. Avgustda eng yuqori harorat 20,2 °C, eng past harorati esa yanvarda, −5,1 °C atrofida boʻladi.

Demografiyasi

Yaponiya aholini roʻyxatga olish maʼlumotlariga koʻra, Shimosuva aholisi soni soʻnggi 50 yil ichida oz, ammo tez sur’atlar bilan kamayib bormoqda.

Aholining oʻsishi

Yil	Aholi	±%
1940	17,619	—
1950	18,798	+6.7%
1960	22,602	+20.2%
1970	26,932	+19.2%
1980	26,574	−1.3%
1990	25,519	−4.0%
2000	23,93	−6.2%
2010	21,504	−10.1%
2020	19,155	−10.9%

Tarixi

Hozirgi Shimosuva hududi qadimgi Shinano provinsiyasining bir qismi boʻlib, Tokugava syogunati ostidagi Suva domeni boʻlagi sifatida boshqarilgan. Edo davrida Shimosuva-shuku Edoni Kioto bilan bogʻlaydigan 59 stansiyali Nakasendo avtomagistralidagi 29-bekati va Koshu Kaidodagi post stansiyasi sifatida rivojlangan.

Shimosuva qishlogʻi 1889-yil 1-aprelda zamonaviy munitsipalitetlar tizimining oʻrnatilishi bilan yaratilgan va 1893-yil 30-iyunda shaharcha maqomiga koʻtarilgan.

Taʼlim tizimi

Shimosuvada shahar hukumati tomonidan boshqariladigan ikkita davlat boshlangʻich maktabi va ikkita davlat oʻrta maktabi mavjud hamda Nagano prefekturasi taʼlim kengashi tomonidan boshqariladigan bitta yuqori maktab faoliyat yuritadi.

Transporti

Temir yoʻl

• Sharqiy Yaponiya temir yoʻl kompaniyasi — Chuo magistral liniyasi
  • Shimo-Suva

Magistral yoʻl

• Milliy yoʻnalish 20
• Milliy yoʻnalish 142

Xalqaro munosabatlar

•  — Kaifeng, Henan, Xitoy

Mahalliy diqqatga sazovor joylar

Shimosuva — mashhur Suva-taisha yoki Buyuk Suva ibodatxonasini tashkil etuvchi ikkita ziyoratgohning joylashuv maskanidir. Harumiya va Akimiya ziyoratgohlari har olti yilda Onbashira festivalida ramziy ravishda yangilanadi. Shinto marosimida ulkan daraxtlar kesiladi, keyin togʻlardan ziyoratgohlarga qadar xodalar terib chiqiladi.

Shimosuva, shuningdek, bir nechta onsen yoki tabiiy issiq buloq kurortlarining asosiy manzilgohi hamdir.

Hoshigato obsidian koni maydoni, Jomon davriga oid boʻlin, Milliy tarixiy manzilgoh hisoblanadi. U Shimosuvada joylashgan, ammo jamoat joylari qurilmagan va u yerga kirish imkoniyati mavjud emas.

Shimosuvalik taniqli odamlar

• Shinpei Takagi, aktyor, rejissyor

Galereya

Shimosuva shaharchasi manzaralari

Havolalar

• Rasmiy sayti (yaponcha)