Taha Akgül
| Taha Akgül | |
|---|---|
 Taha Akgül 2016-yilgi Yozgi Olimpiada oʻyinlarida | |
| Shaxsiy maʼlumotlari | |
| Jinsi | erkak |
| Fuqaroligi |
 Turkiya |
| Tavallud sanasi |
22-noyabr 1990-yil Sivas, Turkiya |
| Vazni | 125 kg gacha |
| Sport | |
| Qaysi sport | erkin kurash |
Taha Akgül (tugʻ. 1990-yil 22-noyabr, Sivas, Turkiya[1]) — turkiyalik erkin kurashchi, 125 kg gacha vazn toifasida, Turkiya terma jamoasi aʼzosi. Ikki karra Jahon chempioni, sakkiz karra Yevropa chempioni (2012, 2013, 2014, 2017, 2018, 2019, 2021, 2022) va 2015-yilgi Yevropa oʻyinlari chempioni. 2016-yilgi Yozgi Olimpiada oʻyinlari chempioni va 2020-yilgi Yozgi Olimpiada oʻyinlari bronza medali sovrindori.
Faoliyati
[tahrir | manbasini tahrirlash]1990-yilda Sivasda tugʻilgan. Olimpiada chempioni, Jahon va Yevropa chempioni, 125 kg gacha vazn toifasida kurashayotgan turkiyalik erkin kurashchi. Karamandagi Karamanoglu Mehmetbey universitetida jismoniy tarbiya va sport tahsil oladi.
2003-yilda otasi va akasi ortidan kurash bilan shugʻullana boshlagan. 2012-yilda kurash boʻyicha Yasar Doʻgu nomidagi 40-xalqaro turnirda oltin medalni qoʻlga kiritdi. 2012-yilda Belgrad shahrida (Serbiya) oʻtkazilgan kurash boʻyicha Yevropa chempionatida Taha Akgul oʻz vazn toifasida chempion boʻldi. Endi u Abdulrashid Sadulaev bilan eng yaxshi faol kurashchi sanaladi[2].
2012-yilgi Yozgi Olimpiada oʻyinlariga u yoʻllanma oldi. U 1/8 finalda rossiyalik Bilyal Makhovga imkoniyatni boy berib, chorak finalga chiqa olmadi. 2012-yilda Kuortane shahrida (Finlandiya) oʻtkazilgan kurash boʻyicha talabalar oʻrtasidagi Jahon chempionatida u oʻz vazn toifasida oltin medal sohibi boʻlgan.
2013-yilda Tbilisi shahrida (Gruziya) boʻlib oʻtgan Yevrop chempionatida Taha Akgul Yevropa chempionligini himoya qildi. 2013-yilda Budapesht shahrida (Vengriya) oʻtkazilgan kurash boʻyicha Jahon chempionatida bronza medalini qoʻlga kiritdi. 2014 va 2015-yillarda 125 kg gacha vazn toifasida Jahon chempioni boʻlgan. 2014-yili Turkiya kurash federatsiyasi tomonidan yilning eng yaxshi kurashchisi deb topilgan. U 2016-yilgi Yozgi Olimpiada oʻyinlarida finalda Komeil Ghasemini magʻlub etib, oltin medalni qoʻlga kiritdi[3].
2019-yilda Nur-Sultonda (Qozogʻiston) boʻlib oʻtgan Olimpiada oʻyinlari oldidan Jahon chempionatida 125 kg gacha vazn toifasida Taha kumush medalni qoʻlga kiritdi va oʻz milliy olimpiya qoʻmitasiga olimpiya litsenziyasini oldi.
2021-yilda Tokioda (Yaponiya) Yozgi Olimpiada oʻyinlarida u 1/8 finalda kanadalik Amar Dhesi bilan 5:0 hisobida gʻalaba qozondi. 1/4 finalda u oʻsib borayotgan ogʻir vaznli yulduz Gable Steveson bilan uchrashdi va unga 0:8 hisobida yutqazdi[1]. Oʻsha yili oktyabr oyida Osloda (Norvegiya) boʻlib oʻtgan Jahon chempionatida 125 kg gacha vazn toifasida bronza medali sohibiga aylandi. Yarim finalda eronlik kurashchi Amir Hossein Zarega imkoniyatni boy berdi.