Vikipediya yodgorligi
| Vikipediya yodgorligi | |
|---|---|
| Polyakcha: Pomnik Wikipedii | |
 Vikipediya timsolini koʻtarib turgan aylanada toʻrtta figura turadi, u yamoq boʻlaklaridan yasalgan globusdan iborat boʻlib, bir nechta boʻlaklari yetishmaydi, bu ensiklopediya ishi hech qachon tugamasligini anglatadi. | |
 | |
| Rassom | Mihran Hakobyan |
| Yil | 22-oktyabr, 2014-yil |
| Tur | Haykaltaroshlik |
| Material | |
| Mavzu | Vikipediya hamjamiyati |
| Oʻlchami | 250 sm × 60 sm × 60 sm (430 m × 100 m × 100 m) |
| Joylashuvi | Słubice, Polsha |
| Egasi | Słubice mintaqaviy hokimiyati |
Vikipediya yodgorligi (polyakcha: Pomnik Wikipedii) arman haykaltaroshi Mihran Hakobyan tomonidan Vikipediya tahrirchilaarini sharaflash uchun yaratilgan haykaldir. Haykal Polshada joylashgan. U 2014-yil 22-oktabrda Frankfurt maydonida (Plac Frankfurcki) tantanali ravishda ochildi, unda mahalliy Vikimedia Jamgʻarmasi vakillari ishtirok etdi.
Tavsif[tahrir | manbasini tahrirlash]
Yodgorlikda ikki metr (6 ft 7 in) balandlikdagi[1][2] Vikipediya logotipi asosida globusni koʻtarib turgan toʻrtta yalangʻoch figura tasvirlangan[3]. Shishali tola va smoladan yasalgan haykalni Polonicum Kollegiyasini bitirgan va asli armanistonlik haykaltarosh Mihran Hakobyan ishlab chiqqan[3][2][4]. Haykal, taxminan, 50 000 zlotiy (taxminan, 13 500 dollar; 11 700 yevro) turadi va bu Slubitsa viloyati hokimiyati tomonidan moliyalashtirilgan[3][4][5]. Yodgorlikda quyidagi yozuv bor:
Ushbu yodgorlik bilan Słubitse fuqarolari butun dunyo boʻylab minglab anonim muharrirlarga hurmat bajo keltiradi, ular siyosiy, diniy yoki madaniy chegaralaridan qatʼi nazar, odamlar tomonidan birgalikda yaratilgan eng yirik loyiha, Vikipediyani rivojlantirishda ixtiyoriy ravishda hissa qoʻshgan. Ushbu vaqtga kelib Vikipediya 280 dan ortiq tillarda mavjud va 30 millionga yaqin maqolalarni oʻz ichiga oladi. Ushbu yodgorlik ortidagi xayrixohlar, Vikipediya asoslaridan biri sifatida bilim jamiyati sivilizatsiyamizning barqaror rivojlanishiga, ijtimoiy adolat va xalqlar oʻrtasidagi tinchlikka hissa qoʻshishiga ishonch hosil qilamiz[6].
Tarixi[tahrir | manbasini tahrirlash]
Yodgorlik 2010-yilda[5] universitet professori va Slubitsedagi Polonicum kollegiyasi direktori Krzysztof Wojciechowski tomonidan taklif qilingan[3]. Polyakcha Vikipediya - Polshadagi mashhur veb-saytlardan biri va milliondan ortiq maqolalar bilan dunyodagi 10-chi yirik Vikipediyadir[4][7]. Mer oʻrinbosari Piotr Luczinskining soʻzlariga koʻra, yodgorlik „shaharning ilmiy markaz sifatidagi ahamiyatini belgilab beradi“[4]. Wikimedia Polska vakilining taʼkidlashicha, tashkilot ushbu loyiha „veb-sayt haqida xabardorlikni oshiradi va odamlarni hissa qoʻshishga undaydi“ deb umid qilmoqda[2].
U 2014-yil 22-oktabrda[3] Frankfurkki maydonida[2][5] ochildi va onlayn ensiklopediya uchun dunyodagi birinchi yodgorlikka aylandi[4]. Ochilish marosimida Vikimedia Jamgʻarmasi hamda Polsha va Germaniya uchun Wikimedia boʻlimlari vakillari ishtirok etishdi[4][8].
Dariush Jemielniak, menejment professori, Wikimedia faoli va 2014-yili chop etilgan „Common Knowledge? An Ethnography of Wikipedia“ kitobi muallifi, ochilish marosimida nutq so'zladi[9].
Vikipediya 2001-yilda ish boshlaganida, shuni aytishim kerakki, men Vikipediyaga yodgorlik beriladigan kunni tasavvur ham qilmaganman - biz ular haqida yozamiz, ularni Viki yodgorliklarni sevadi tanlovimiz bilan suratga olamiz va endi bizda oʻz yodgorligimiz bor. Bu haqiqatan ham oʻzgacha va hayajonli kun va umid qilamanki, Vikipediyani tahrirlaydigan va uni bepul bilim manbaiga aylantirgan minglab Vikimediachilarning diqqat markazida boʻladi. Men oʻzim uchun yodgorlikni koʻrish va, ehtimol, loyihada ishtirok etganlar bilan uchrashish uchun Słubitsega tashrif buyurishni intiqlik bilan kutaman[10].
— Jimmy Wales, Vikipediya hammuassisi, ochilishi munosabati bilan.
Manbalar[tahrir | manbasini tahrirlash]
- ↑ „World's first Wikipedia monument unveiled in Poland“. thenews.pl. 2014-yil 25-oktyabrda asl nusxadan arxivlangan. Qaraldi: 2014-yil 24-oktyabr.
- ↑ 2,0 2,1 2,2 2,3 Day, Matthew. „Polish town to build statue honouring Wikipedia“. The Daily Telegraph (2014-yil 10-oktyabr). 2018-yil 22-iyunda asl nusxadan arxivlangan. Qaraldi: 2014-yil 11-oktyabr.
- ↑ 3,0 3,1 3,2 3,3 3,4 „Poland to Honor Wikipedia With Monument“. ABC News (2014-yil 9-oktyabr). 2014-yil 11-oktyabrda asl nusxadan arxivlangan. Qaraldi: 2014-yil 9-oktyabr.
- ↑ 4,0 4,1 4,2 4,3 4,4 4,5 „Poland to unveil world's first Wikipedia monument“. Polskie Radio. 2014-yil 11-oktyabrda asl nusxadan arxivlangan. Qaraldi: 2014-yil 9-oktyabr.
- ↑ 5,0 5,1 5,2 „W nowosolskim Malpolu powstaje pierwszy na świecie pomnik Wikipedii“ (pl) (2014-yil 10-oktyabr). 2014-yil 14-oktyabrda asl nusxadan arxivlangan. Qaraldi: 2014-yil 13-oktyabr.
- ↑ „Photograph of the Wikipedia monument inscription“. gorzow.gazeta.pl. Agencja Gazeta (2014-yil 22-oktyabr). 2014-yil 22-oktyabrda asl nusxadan arxivlangan. Qaraldi: 2014-yil 22-oktyabr.
- ↑ List of Wikipedias – Meta (Wayback Machine saytida 19 May 2020 sanasida arxivlangan). Retrieved 8 September 2014.
- ↑ „Slubice: Polnische Stadt setzt Wikipedia ein Denkmal“ (de). Der Spiegel (2014-yil 9-oktyabr). 2014-yil 11-oktyabrda asl nusxadan arxivlangan. Qaraldi: 2014-yil 10-oktyabr.
- ↑ „Wikipedia na cokoły! W Słubicach będzie miała pomnik“ (pl) (2014-yil 21-oktyabr). 2014-yil 21-oktyabrda asl nusxadan arxivlangan. Qaraldi: 2014-yil 21-oktyabr.
- ↑ „Press releases: First-ever Wikipedia Monument unveiled in Poland“. Wikimedia Foundation (2014-yil 22-oktyabr). 2018-yil 20-yanvarda asl nusxadan arxivlangan. Qaraldi: 2014-yil 25-oktyabr.
Havolalar[tahrir | manbasini tahrirlash]
- Press-reliz: Polshada birinchi Vikipediya yodgorligi ochildi, Wikimedia fondi
