Vitaliy Bologov

Vitaliy Ignatyevich Bologo
Tavalludi	1938-yil 4-avgust; Ak-Mechet qishlogʻi, Qora dengiz mintaqasi, Qrim ASSR, RSFSR, SSSR
Vafoti	2003-yil 29-iyun (64 yosh); Moskva
Fuqaroligi	SSSR ; Rossiya
Xizmatdagi yillari	1958–1994
Lavozimi
Jang/urush	Chernobil fojiasi ; Afgʻon urushi
Mukofotlari

Vitaliy Ignatyevich Bologov (1938-yil 4-avgust, Ak-Mechet qishlogʻi, Qora dengiz mintaqasi, Qrim ASSR, RSFSR – 2003-yil 29-iyun, Moskva) – sovet harbiy rahbari, Rossiya Federatsiyasi Qurolli Kuchlari general-polkovnigi.

Hayoti

Vitaliy Bologov 1938-yil 4-avgustda Qrim viloyati, Ak-Mechet qishlogʻida (hozirgi Chernomorskoye, Chernomorskoye viloyati, Qrim Respublikasi) tavallud topgan. 1958-yilda Toshkent Oliy qoʻshma qurolli qoʻmondonlik bilim yurtiga oʻqishga kirgan. Oʻqishni tugatgandan soʻng, janubiy kuchlar guruhida va Uzoq Sharq harbiy okrugida qoʻmondonlik lavozimlarida xizmat qilgan^[1].

1972-yilda M. V. Frunze nomidagi harbiy akademiyani tugatib, Shimoliy Kavkaz harbiy okrugiga yuborilgan. 1979-yilda Bosh shtab Harbiy akademiyasini tamomlagan. Harbiy xizmatni turli lavozimlarda, jumladan Vengriya va GDRda davom ettiradi^[1].

Bologov 1986-yildan boshlab SSSR Qurolli Kuchlari Bosh shtabida ishlagan. Soʻng, Chernobil AESdagi avariya oqibatlarini bartaraf etishda qatnashgan (1986-1987). 1988–1989-yillarda Afgʻoniston Demokratik Respublikasida xizmat qilgan. Sovet qoʻshinlarini tayyorlash va olib chiqish boʻyicha tadbirlarni amalga oshirgan^[1].

SSSR parchalanganidan keyin Rossiya Federatsiyasi Qurolli Kuchlarida xizmat qilishni davom ettiradi. 1920-yil 14-noyabrda unga general-polkovnik unvoni berilgan^[2]. Qurolli Kuchlar Bosh shtabida xizmat qilgan davrda boʻlim boshligʻining birinchi oʻrinbosari, Bosh tashkiliy va safarbarlik boshqarmasi boshligʻi, Rossiya Federatsiyasi Qurolli Kuchlari Bosh shtabi boshligʻining oʻrinbosari kabi lavozimlarda faoliyat olib borgan (1992-1994^[1]).

Vitaliy Bologov 1994-yil 6-iyulda nafaqaga chiqqan^[3]. 2003-yil 29-iyunda ogʻir va uzoq davom etgan kasallikdan soʻng vafot etadi. U Moskvadagi Troekurovskoye qabristoniga dafn etilgan.

Mukofotlari

Qizil Yulduz ordeni
III darajali „SSSR Qurolli Kuchlarida Vatanga qilgan xizmati uchun“ ordeni
Sakkizta medal^[1] .

Manbalar

↑ ^1,0 ^1,1 ^1,2 ^1,3 ^1,4 Nekrolog. Krasnaya zvezda, 02.07.2003.
↑ „Указ Президента РФ о присвоении воинских званий офицерам, генералам и адмиралам ВС РФ от 14.11.1992“ (ru). [1]. 2018-yil 14-oktyabrda asl nusxadan arxivlangan. Qaraldi: 2016-yil 15-oktyabr.
↑ „Указ Президента РФ об освобождении от должности и увольнении с военной службы Бологова В. И. от 06.07.1994“ (ru). [2]. 2022-yil 12-fevralda asl nusxadan arxivlangan. Qaraldi: 2016-yil 15-oktyabr.

[кз-1] 1,0 ^1,1 ^1,2 ^1,3 ^1,4 Nekrolog. Krasnaya zvezda, 02.07.2003.

[указ-2] „Указ Президента РФ о присвоении воинских званий офицерам, генералам и адмиралам ВС РФ от 14.11.1992“ (ru). [1]. 2018-yil 14-oktyabrda asl nusxadan arxivlangan. Qaraldi: 2016-yil 15-oktyabr.

[указ2-3] „Указ Президента РФ об освобождении от должности и увольнении с военной службы Бологова В. И. от 06.07.1994“ (ru). [2]. 2022-yil 12-fevralda asl nusxadan arxivlangan. Qaraldi: 2016-yil 15-oktyabr.

[1]

[2]

[3]