Ziyo Niyozov
Ziyo Niyozov (1903-yil, Toshkent, Rossiya imperiyasi – 1975-yil oktyabr) – sovet partiya va xoʻjalik arbobi. Toshkent viloyat ijroiya qoʻmitasining birinchi boshligʻi.
| Ziyo Niyozov | |
|---|---|
| Tavalludi |
1903-yil |
| Vafoti |
1975-yil oktyabr Toshkent, OʻzSSR, SSSR |
| Fuqaroligi |
 Rossiya imperiyasi →  SSSR |
| Partiyasi | SIKP |
Biografiya
[tahrir | manbasini tahrirlash]Ziyo Niyozov 1903-yilda Toshkentda mardikor oilasida tavallud topgan[1].
1918-yilda rus maktabda uchinchi sinfgacha oʻqigan va 1921-yilda yangi uslubdagi „Turon“ oʻzbek maktabini tugatgan.
Faoliyati
[tahrir | manbasini tahrirlash]Ziyo Niyozov 1921-yil iyundan 1926-yil noyabrgacha otasining hunarmandchilik ustaxonasida bolgʻachi, 1926-yil dekabrdan esa ishsizlar jamoasida bolgʻachi boʻlib ishlagan.
1928-yil fevral oyida „Glavxlopka“ bosh boshqarmasi mexanik ustaxonalarida temirchi boʻlib ishlagan. 1931-yil sentabrdan „Tashselmash“ zavodida usta, temirchilik sexi boshligʻining yordamchisi, 1933-yil dekabrdan shu zavodda temirchi boʻlib faoliyat olib borgan.
Partiyasi
[tahrir | manbasini tahrirlash]Niyozov 1930-yil iyul oyida SIKP(b) aʼzoligiga nomzod, 1931-yil apreldan esa partiya aʼzosi boʻldi.
1935-yil oktabrda „Tashselmash“ partiya qoʻmitasi kotibi oʻrinbosari hamda 1937-yil sentabrdan esa uning kotibi lavozimida ishladi.
Ziyo 1938-yil mart oyida Oʻzbekiston SSR Toshkent viloyati Markaziy Ijroiya tashkiliy qoʻmitasining raisi etib tayinlandi. U bu lavozimda sentyabrgacha ishladi, shundan soʻng Oʻzbekiston SSR Kompartiyasi Markaziy Komitetining 3-kotibi etib tayinlandi[2]. Ziyo bu lavozimda 1939-yil fevralgacha qoldi[3].
Niyozov 1939-yil sentabrdan 1941-yil dekabrgacha Moskvadagi Butunittifoq sanoat akademiyasining tayyorlov boʻlimida tahsil oldi.
1941-yil dekabrdan 1942-yil oktyabrgacha va 1943-yil maydan 1944-yil aprelgacha Toshkent shahar Kuybishev tuman ijroiya qoʻmitasi raisi oʻrinbosari boʻlib ishladi.
Ziyo Oʻzbekiston SSR Oliy Kengashining 1 va 2-chaqiriqlari deputati etib saylangan.
Soʻnggi yillari
[tahrir | manbasini tahrirlash]Niyozov nogironligi sababli 1944-yil apreldan 1947-yil sentyabrgacha ish faoliyatini olib borolmadi. 1947-yil sentyabrda Toshkentdagi sanoat zavodiga direktor etib tayinlanadi. 1949-yil dekabr oyida „Tashselmash“ga qaytib keldi va u yerda temirchilik sexiga brigadir boʻldi.
1958-yil may oyida nafaqaga chiqdi va Toshkentda yashadi.
Niyozov 1975-yil oktyabr oyida vafot etgan.
Manbalar
[tahrir | manbasini tahrirlash]- ↑ „НИЯЗОВ Зия | TsentrAziya“. centrasia.org. Qaraldi: 2020-yil 23-avgust.
- ↑ Филиппов С. Территориальные руководители ВКП(б) в 1934—1939 гг. Справочник. М. : РОССПЭН, 2016.
- ↑ „Ниязов, Зия“. Qaraldi: 2023-yil 11-noyabr.