Muhammad al-Barzanjiy

Muhammad al-Barzanjiy
Shaxsiy maʼlumotlar
Tavalludi	milodiy 1040-yil (hijriy 1631-yil)
Vafoti	milodiy 1103-yil (hijriy 1692-yil) Madina
Dini	Islom
Tanilgan sohasi	mufassir, muhaddis, usulshunos, adib, tilshunos, ritorik va olim

Muhammad ibn Abdurrasul ibn Qalandar ibn Abdussayyid al-Barzanjiy ash-Shahrizoʻriy al-Madaniy ash-Shofiʼiy (Shahrizo‘rda hijriy 1040-yil (milodiy 1631-yil)da tugʻilib, muharram oyining boshida Madina shahrida hijriy 1103-yil (milodiy 1692-yil)da vafot etgan) — mufassir, muhaddis, usulshunos, adib, tilshunos, ritorik, ilmi sarf va boshqa ilm sohalarida faoliyat olib borgan olim. Hamadon, Bag‘dod, Damashq, Konstantinopol va Misrga borgan. Madinai munavvarada istiqomat qilgan va saboq olgan.

Asarlari

• „Xolisu-t-talxis fi muxtasari talxisi-l-miftoh“ („Muxtasaru talxisi-l-miftoh“ning xolis va qisqacha mazmun-mohiyati");
• „Mirqotu-s-suʼud fi tafsiri avoili-l-uqud“ („Shodalarning boshlarini tafsir qilish boʻyicha yuksaklikka olib chiqadigan zinapoya“);
• „al-Maqolat as-sunniyafi tavzihi eʼtirofi-l-Jomiyala-l-xamariya“ („al-Xamariy qasidasining Jomiy tomonidan qay tarzda eʼtirof etilganini izohlash haqida sunniy maqola“);
• „at-Taʼyid va-l-avn li-l-qoiliyn bi imoni Firʼavn“ („Firʼavn imoni haqida soʻzlovchilarni qoʻllab-quvvatlash va ularga yordam berish“);
• „as-Sinova-s-sanavot fima yataallaqu bi-lqunut“ („Xudojoʻylikka oid yillar va oliy maqom“);
• „Sharhu-l-maxoriq va jarhu-l-moraq“ („Afsungarlik sharhi va zinapoyalarning sinishi“);
• „Anhoru-s-salsabiyl fisharhi anvori-t-tanzil li-l-Bayzoviy“ ("Bayzoviyning „Sharhu anvori-t-tanzil“ asaridagi salsabil anhorlar");
• „Mazoju-l-zanjabiylli hiyozi asrori-t-taʼvil fi-t-tafsir“ („Tafsir haqi-dagi taʼvil sirlaridan iborat hovuzlarning sokin holati“);
• „Ziyou-s-siroj fi laylati-l-isroʻ va-l-meʼroj“ („Isroʻ va meʼroj kechasidagi chiroqning ziyosi“);
• „al-Ishoʻa fi ashroti-s-soʻa“ („Qiyomat alomatlari haqidagi mish-mishlar“);
• „Bagʻiyatu-t-tolib liiymoni Abi Tolib“ („Abu Tolibning imoni talabida boʻlgan bandaning maqsadi“);
• „an-Nafaha al-foyiha fi masoili-l-fotiha“ („Fotiha bilan bogʻliq masalalar haqidagi muattar tuhfa“).

Aytishlaricha, u oltmishdan ortiq asarni taʼlif etgan.