Prezident maktabi (Samarqand)
| Samarqand Prezident maktabi Samarqand shahridagi Prezident maktabi | |
|---|---|
| Joylashgan yeri | |
| Amir Temur koʻchasi, 82-uy Samarqand viloyati Samarqand shahri,  Oʻzbekiston
| |
| Maʼlumot | |
| Maktab turi | Prezident maktabi |
| Ochilgan sanasi | 2021-yil 20-noyabr |
| Mutaxassislar | Mahalliy 22 ta, chet ellik 11 ta[1]. |
| Direktor | Raxmatov Lazizxon Temirxonovich[2]. |
| Til | Oʻzbekcha Inglizcha |
| Website | Samarqand shahridagi Prezident maktabi |
Samarqand shahridagi Prezident maktabi — 2021-yil 18-oktabr kuni Samarqand shahrida ochilgan zamonaviy taʼlim muassasasi. Maktabda darslar STEAM yoʻnalishiga oid oʻquv qoʻllanma va darsliklar orqali olib boriladi[3]. Maktabga xorijiy davlatlardan 11 nafar mutaxassis jalb qilingan. Ular bilan birga 22 nafar mahalliy oʻqituvchilar faoliyat yuritadi[1]. Prezident maktablari uchun kirish imtihonlari Cambridge universitetining Cambridge Assessment International Education imtihon kengashi tomonidan oʻtkaziladi.
Ochilish tarixi
[tahrir | manbasini tahrirlash]Samarqand shahridagi Prezident maktabi 169 o‘ringa mo‘ljallangan. Maktabda barcha sharoitlarga ega mehmonxona, gimnastika va sport zallari, suv havzasi, oshxona va dars tayyorlash xonalari mavjud. Bundan tashqari 2 qavatli kompleks tarkibida 4 ta laboratoriya, 17 ta auditoriya 240 ta zamonaviy interfaol qurilmalar bor. Loyihaning umumiy qimati 73 milliard 725 million soʻm. Ochilish marosimida Samarqand viloyati hokimi Erkinjon Turdimov va Vazirlar Mahkamasi huzuridagi Prezident, ijod va ixtisoslashtirilgan maktablarni rivojlantirish agentligi direktori Hilola Umarova qatnashgan[3]. Maktab bitiruvchilari shahodatnoma, attestat, shuning bilan birga xalqaro darajadagi dastur diplomiga ega boʻlishi mumkin.
Qulayliklar
[tahrir | manbasini tahrirlash]Maktab oʻquvchilari 5 mahal ovqat, bepul maktab formasi va bepul yotoqxona bilan taʼminlanadi. Oʻquvchilar darsdan boʻsh paytida kompyuterda ishlashlari uchun zarur shart sharoitlar yaratilgan. Sinfxonalar smart doskalar bilan jihozlangan. Barcha turdagi sport anjomlariga ega sport zali, basketbol va futbol maydonchalari ham mavjud[1].
Manbalar
[tahrir | manbasini tahrirlash]- ↑ 1,0 1,1 1,2 „Samarqand shahridagi Prezident maktabi“. Portal.piima.uz. Qaraldi: 2023-yil 18-iyul.
- ↑ „O’zbekiston Respublikasi Prezident ta'lim muassasalari agentligi tasarrufidagi maktablar to‘g‘risida umumiy ma’lumot (nomi, joylashgan joyi, ish tartibi, aholi bilan ishlash bo‘yicha telefon raqamlari, rasmiy veb-sayti, elektron pochta manzili, rahbarning F.I.Sh., geografik joylashuvi)“. data.egov.uz. data.egov.uz. Qaraldi: 4-iyun 2023-yil.
- ↑ 3,0 3,1 „Samarqandda Prezident maktabi foydalanishga topshirildi“. xs.uz. 2023-yil 31-avgustda asl nusxadan arxivlangan. Qaraldi: 31-avgust 2023-yil.
