Qizilqoʻgʻa (tuman)

Qizilqoʻgʻa tumani
Қызылқоға ауданы

tuman
Tarkibida	Atirov viloyati
Maʼmuriy markazi	Miyoli
Asos solingan sanasi	1944-yil
Akim	Takeshov Amanjan Adilxanovich
Rasmiy tillar	qozoq, rus
Aholi (2010)	30 594 (4-oʻrin)
Zichligi	1,2 kishi./km²
Maydoni	24 900 km²
Vaqt mintaqasi	UTC+5
Telefon kodi	+7 71238
Pochta indeksi	060500-060509
Avtomobil raqami kodi	E, 06
Xaritada

Qizilqoʻgʻa audani — Qozogʻiston Respublikasiga qarashli Atirov viloyati tarkibidagi tuman. Tumanning maʼmuriy markazi — Miyali qishlogʻi.

Geografiyasi

Tuman hududi 24,9 ming km². Yer relefi — tekisliklardan iborat. Qizilqoʻgʻa tumani gʻarbida Atirov viloyatining Inder va Mahambet tumanlari bilan, Atirov shahri bilan, shimoliy tarafidan Gʻarbiy Qozogʻiston viloyatining Sirim va Qoratepa tumanlari bilan, sharqiy tarafidan Oqtoʻba viloyatining Oʻyil va Baygʻanin tumanlari bilan, janubiy tomonidan Atirov viloyatining Maqat va Jilioʻy tumanlari bilan chegaradosh.

Iqlimi

Iqlimi keskin kontinental, qishi sovuq, qor kam yogʻadi, yozi issiq va quruq. Yanvar oyining oʻrtacha harorati −12 °C (ayrim paytlarda −40 °C-gacha tushib ketadi), iyulda 25,4 °C (ayrim paytlarda 43 °C-gacha koʻtariladi). Yogʻingarchilikning yillik oʻrtacha miqdori 200 mm.

Ijtimoiy soha

Tuman hududida avtomobil yoʻli Sagʻiz stansiyasidan tuman markazi Miyali qishlogʻi bilan va Qorabogʻ qishlogʻi orqali Inderbor va Maqat qishloqlari bilan bogʻlaydi. Qizilqoʻgʻa tumanida aloqa boʻlimi, qishloq xoʻjaligi qurilish mahkamasi, bosmaxona, savdo mahkamalari, kasbiy-texnik maktab, 13 ta oʻrta maktab, 27 ta tibbiyot mahkamalari, 15 ta madaniyat uyi, 20 ta kutubxona faoliyat yuritmoqda. 1952-yildan boshlab tuman gazetasi chop etiladi.

Aholisi

Tuman aholisi 30,5 ming kishi (2010). Qizilqoʻgʻa tuman aholisining asosiy qismini qozoqlar tashkil qiladi. Aholining oʻrtacha zichligi 1 km²-ga 1,2 kishidan toʻgʻri keladi.

Havolalar

• Atirov viloyatining hokimyati