Xolid ibn Valid masjidi (Asaka)

Bu maqola Asaka shahrida joylashgan masjid haqidadir. Toshkent shahrida joylashgan — Xolid ibn Valid masjidi (Toshkent) bilan adashtirmang.

Masjid
Xolid ibn Valid masjidi Xolid ibn Valid
Mamlakat	Oʻzbekiston
Hudud	Asaka shahri
Manzil	Imom al-Buxoriy ko'chasi
Masjid turi	Jomeʼ-masjid
Meʼmoriy uslub	Islom, sharq va oʻzbek milliy meʼmorchiligi
Binokorlik	1991-yil 23-aprel—2014-yil
Soʻngi imom	Abdurazzoq Farmonov
Maqomi	Ishlaydi
Umumiy maydoni	0,8 gektar
Oʻlchami	80x60
Gumbazlar soni	1
Gumbazlar soni	1
Gumbaz balandligi	36 metr
Minoralar soni	4
Minoralar soni	4
Minoralar balandligi	2x45 metr,
Qurilish materiali	Marmar, gʻisht
Tarovih
Saharlik va iftorlik
Sayt	[www.tavhid.uz Rasmiy sayt]
Qoʻshimcha maʼlumotlar	Masjid imomi — Shahobiddin Parpiev

Xolid ibn Valid masjidi — Andijon viloyati Asaka shahrining eng gavjum va markaziy hududida joylashgan „Xolid ibn Valid“ jome masjidining poydevori birinchi bor 1991-yilning 23-aprel sanasida qoʻyilgan. Ushbu jome masjidining qurilish ishlari Asaka tumani aholisi tomonidan, hashar yo‘li bilan 13 yil davomida barpo etilgan.

Tarixi

Masjid 2004-yilda Oʻzbekiston musulmonlari idorasi va Adliya vazirligi tomonidan rasmiy roʻyxatdan oʻtkazildi. Qurilish va taʼmirlash ishlari 2005-yildan boshlab 13 yil davom etgan.

Ushbu masjidning nomi ittifoqchi va taniqli sarkarda Xolid ibn Valid sharafiga nomlangan. Xolid ibn al-Validning asli kelib chiqishi Qurayshning Makka qabilasidan edi. Uning urug‘i dastlab Muhammad payg‘ambarga qarshi chiqqan. Ammo biroz vaqtdan keyin u islom dinini qabul qilgandan soʻng, Xolidning harbiy mahorati tufayli Islom dinidagi mavqeyi tezda oshib borgan va „Allohning qilichi“ laqabini olgan.

Meʼmorchiligi

2014-yilda esa „Xolid ibn Valid“ jome masjidi zamonaviy jihozlar bilan, zamon talabiga mos tarzda jihozlandi. Masjid binosi uch qavatli qilib, pishtgan gʻishtdan barpo etilgan. Uni bezatish vaqtida ularning bezagi sifatida har xil usulda yotqizilgan koʻp rangli gʻishtlardan foydalanganlar. Uch qavat binoning barcha derazalari uchli ravoq shaklida yasalgan. Namoz oʻquvchilar uchun qulaylik yaratish maqsadida uch tomonda kirish eshiklari joylashtirilgan. Foydalanishga topshirilgan barcha yordamchi xizmatlar zamonaviy komponentlar bilan jihozlangan. Masjid hovlisi yorqin marmar tosh bilan oʻralgan, uning burchaklarida zamonaviy mustahkamlovchi inshootlar qad rostlagan. Ushbu inshootlar minoralar shaklda boʻlib, uchta sathda qilingan. Ular masjid binosining 4 tomoniga joylashtirilgan. Shuningdek, binoning ustki qismi koʻk rangdagi naqshli gumbazlar bilan bezab chiqilgan. Masjid binosining asosiy zali baland shiftli boʻlib, u yerga katta havo oqimi kiradi. Xonani yanada yorugʻ va bu katta xonani yanada kengroq koʻrsatish maqsadida koʻp sonli derazalar ham oʻrnatib qoʻyilgan. Aholiga qulay boʻlishi uchun hojatxona va tahoratxonalar ham foydalanishga topshirilgan.

Maydoni

Xolid ibn Valid masjidining umumiy maydoni 2400 kvadrat metrni tashkil qiladi.