Pansy (Fabergé tuxumi)
| Pansy Fabergé tuxumi | |
|---|---|
| Yetkazib berilgan yil | 1899 |
| Mijoz | Nikolay II |
| Qabul qiluvchi | Maria Feodorovna |
| Amaldagi egasi | |
| Individual yoki muassasa | Matilda Gray Steam shaxsiy kolleksiyasi |
| Sotib olish yili | 1947 |
| Dizayn va materiallari | |
| Ish ustasi | Michael Perkhin |
| Foydalanilgan materiallar | Olmos,emal, oltin, marvarid,nefrit |
| Oʻziga xos xususiyati | Oila a'zolarining portretlarini o'z ichiga olgan yurak |
Pansy tuxumi rus imperatorlik oilasi uchun tayyorlangan Fabergé tuxumlaridan biri hisoblanadi. 1899-yilda imperator Nikolay II Pansy tuxumini onasi qirolicha Maria Feodorovna uchun Pasxa sovgʻasi sifatida topshirgan. Pansy tuxumining tayyorlanishi zargar Peter Carl Fabergé tomonidan nazorat qilingan. Pansy tuxumi modern uslubida tayyorlangan ikkita Fabergé tuxumidan biri hisoblanadi (ikkinchisi — Vodiy zambaklari tuxumi).
Tavsifi
[tahrir | manbasini tahrirlash]Pansy tuxumi nefritdan yasalgan va tuxumning pastki qismida yuqoriga buralgan novdalar shaklida zarhal kumushdan yasalgan stendga ega (tuxum pastga qaragan).Stendning yon tomonlarida barglari emallangan beshta pansy shakli mavjud.Pansy tuxumining yuqori qismida nefrit gumbazi joylashtirilgan.
Oʻziga xos xususiyati
[tahrir | manbasini tahrirlash]"Sovgʻa" haqida:
Gulchambar ichidagi oltin dastgohda Bethlehem yulduzi oʻrnatilgan.Dastgoh nayli boʻlib, oʻyilgan zarhal gul va marvaridlar bilan bezatilgan. Dastgohning ustida quyosh nurlari gilloche fonida emallangan, oq rangdagi, yurak shaklidagi portretlar joylashgan. Ushbu portretlarning old tomonini bezatish uchun har birining o‘ziga xos monogrammasiga ega bo‘lgan 11 ta mayda, sirlangan oltin qoplamalar katta olmos „M“ bilan bog‘langan[1].
Tugma bosilganda, qopqoqlar bir vaqtning oʻzida ochilib, imperator oilasining miniatyuralarini koʻrsatadi. Vertikal oʻqishda birinchi ustundagilar:
- Buyuk Gertsog George — podshohning ukasi va ayni paytda imperator taxtining vorisi
- Buyuk Gertsog Alexander — uning singlisi, Buyuk Gertsog Xenia orqali podshohning qaynisi
Ikkinchi ustunda
- podshohning oʻzi
- Buyuk Gertsog Irina — keyinchalik malika Yussupoff, podshohning yagona jiyani, Buyuk Gertsog Alexander va Buyuk Gertsog Xeniyaning qizi
Uchinchi ustunda:
- Buyuk Gertsog Olga Nikolaevna — imperator va qirolichaning birinchi farzandi
- Buyuk Gertsog Tatiana — ularning ikkinchi farzandi
- Buyuk Gertsog Michael — podshohning eng kichik ukasi
Toʻrtinchi ustunda
- Qirolicha Alexandra Feodorovna
- Buyuk Gertsog Andrew — podshohning jiyani, Buyuk Gertsog Irinaning ukasi
Beshinchi ustunda:
- Buyuk Gertsog Olga Alexandrovna — podshohning singlisi
- Buyuk Gertsog Xeniya — podshohning boshqa singlisi.
Podshohning hali tugʻilmagan yana uchta farzandi koʻrsatilmagan.
Egalari
[tahrir | manbasini tahrirlash]Pansy tuxumi 1930-yilda Rossiya Antikvariat jamiyati tomonidan sotilgan 10 ta Fabergé tuxumi qatoriga kiradi va tuxum Nyu-Yorkdagi Hammer galereyasi tomonidan sotib olingan. Galereya egasi Armand Hammer Pansy tuxumini 1947-yilda Yangi Orleanlik neft kompaniyasi merosxoʻri Matilda Geddings Grayga sotdi. U oʻz navbatida Pansy tuxumini jiyani Matilda Gray Steamga toʻyining 1 yilligi munosabati bilan uyushtirilgan tadbir sovgʻasi sifatida berdi. Hozirgi kunda Pansy tuxumi Matilda Gray Steamning shaxsiy kolleksiyasida saqlanadi[2].
Havolalar
[tahrir | manbasini tahrirlash]- http://wintraecken.nl/mieks/Fabergé/index-uk.html Annemiek Wintraecken veb-sayti, har bir Fabergé tuxumining tafsilotlari
Manbalar
[tahrir | manbasini tahrirlash]- ↑ Abraham Kenneth Snowman „Catalogue of Imperial Easter Eggs“, . The art of Carl Fabergé, Second, Faber and Faber, 1962 — 89-bet.
- ↑ „Mieks Fabergé Eggs“. Wintraecken.nl (2017-yil 15-iyul). 2008-yil 15-oktyabrda asl nusxadan arxivlangan. Qaraldi: 2019-yil 25-avgust.
