Kontent qismiga oʻtish

Yegor Krimets

Vikipediya, ochiq ensiklopediya
Yegor Krimets
Shaxsiy maʼlumot
Toʻliq ismi Yegor Vladimirovich Krimets
Tavallud sanasi 27-yanvar 1992-yil (1992-01-27) (32 yosh)
Tavallud joyi Oʻzbekiston Toshkent Oʻzbekiston
Boʻyi 1.93 cm (1 in)
Ampluasi Himoyachi
Klub maʼlumoti
Joriy klub
 Oʻzbekiston Surxon
Raqami 2
Professional faoliyati*
Yillar Jamoa Isht. (Gol.)
2010—2022 Oʻzbekiston Paxtakor 150 (4)
2013 →  Xitoy Beijing Guoan 13 (0)
2016—2017 →  Xitoy Beijing Guoan 33 (0)
2022 Oʻzbekiston Navbahor 0 (0)
2024— Oʻzbekiston Surxon 1 (0)
Milliy terma jamoa
2010 Oʻzbekiston Oʻzbekiston U-20 3 (0)
2012 Oʻzbekiston Oʻzbekiston U-23 1 (0)
2013— Oʻzbekiston Oʻzbekiston 40 (2)
*Professional klublardagi gollari (ichki chempionat)

Yegor Vladimirovich Krimets 1992-yili 27-yanvarda[1] Toshkent shahrida tugʻilgan. Termizning Surxon klubi aʼzosi, himoyachi pozitsiyasida oʻynaydi.

Klubdagi faoliyati

[tahrir | manbasini tahrirlash]

Egor Krimets professional futboldagi ilk faoliyatini 2011-yili Paxtakor klubida boshlagan. U Paxtakor safida 2 mavsum oʻynadi 39 ta uchrashuvda maydonga tusdi raqiblar darvozasini 4-marta ishgʻol qildi[2].

2013-yilning boshida u Paxtakordan Xitoyning Beijing Guoan FC futbol klubiga ijaraga berildi. Pekin klubida bir mavsum oʻynab 13 ta oʻyinda maydonga tushdi va yana Paxtakor safiga qaytdi[3].

2014-yilning boshidan u Paxtakor tarkibida oʻynay boshladi[4]. 2014-yili Paxtakor oʻzining 10-chempionligini qoʻlga kiritdi, oʻsha mavsumda Egor Krimets 24 ta oʻyinda jamoa sharafini himoya qilib raqiblar darvozasiga 5 ta gol kiritgan. 2016-yil 8-yanvar „Paxtakor“ klubi yana bir bir Krimetsni Xitoyning Beijing Guoan FC jamoasiga ijaraga bergan[5][6]. Ikki mavsumdan soʻng Xitoy jamoasi bilan shartnomasi yakunlanganidan soʻng „Paxtakor“ klubi tarkibiga qaytgan[7]. Keyinchalik Paxtakor jamoasi toʻrt mavsum davomida oʻynab uch bor Oʻzbekiston Superligasi chempionligini qoʻlga kiritgan. 2021-yilgi mavsum ancha ogʻir kelgan va jaroxatga olim mavsum katta qismini oʻtkazib yubordi[8]. Mavsum yakunida „Paxtakor“ klubini tark etib 2022-yilgi mavsumni „Navbahor“ klubida boshlagan[9]. 2022-yil 18-mayda jaroxatlar qaytalanishi va sogʻligʻidagi muammolar sababli „Navbahor“ jamoasi bilan shartnomani bekor qilindi va jamoani tark etdi[10]. Maʼlum vaqt futboldan yiroq boʻlgan Krimets 2023-yil 24-dekabrda „Surxon“ klubi bilan shartnoma imzoladi[11].

Xalqaro musobaqalardagi faoliyati

[tahrir | manbasini tahrirlash]

Egor Krimets Oʻzbekiston oʻsmirlar va yoshlar futbol terma jamoasi safida ham toʻp surgan. Egor 2014-yilning 12-yanvarida Oʻzbekiston yoshlar terma jamoasi safida Ummonda boʻlib oʻtgan AFC U-22 Osiyo chempionati 2014 musobaqasining guruh bosqichi ilk uchrashuvida maydonga tushgan va oʻsha oʻyinda jamoa sardori sifatida maydonga tushib 1ta golga mulliflik qilgan edi. Shuningdek, 2014-yili Janubiy Koreyaning Inchxon shahrida boʻlib oʻtgan 17-yozgi Osiyo oʻyinlari musobaqasidan oʻrin olgan futbol bellashuvida Oʻzbekiston olimpiya terma jamoasi tarkibida 4 ta oʻyinda maydonga tushib, Afgʻoniston termasiga qarshi boʻlgan oʻyinda gol muallifi boʻlgan edi.

Egor Krimets ilk bora milliy terma jamoa tarkibiga 2012-yili noyabr oyida 2014-yilgi jahon chempionatiga saralash bosqichida Eron bilan boʻlgan uchrashuvga chaqirtirilgan, ammo maydonga tushmagan. Keyinchalik u terma jamoa safidagi ilk debyut oʻyinini 2013-yili 6-sentyabrda Iordaniya terma jamoasiga qarshi oʻtkazgan. 2015-yilgi Osiyo kubogida terma jamoa tarkibida qatnashdi, ammo musobaqa davomida faqat zaxirada qoldi.

Shaxsiy hayoti

[tahrir | manbasini tahrirlash]

Uylangan, rafiqasi Kristine Krimets, qizining ismi Mikaela.

Statistikalari

[tahrir | manbasini tahrirlash]
Klubdagi ishtiroki Liga Kubok Qitʼaviy Umumiy
Mavsum Klub Liga Isht Gol Isht Gol Isht Gol Isht Gol
Oʻzbekiston Liga Oʻzbekiston kubogi Osiyo Umumiy
2010 Paxtakor Oliy liga 0 0 1 0 0 0 1 0
2011 16 1 5 0 3 1 24 2
2012 21 3 5 0 4 0 30 3
Xitoy Liga FA kubogi Osiyo Umumiy
2013 Beijing Guoan FC XFCh 13 0 3 0 2 0 18 0
Umumiy Xitoy 13 0 3 0 2 0 18 0
Oʻzbekiston 37 4 11 0 7 1 55 5
Umumiy karyerasi 50 4 14 0 9 1 73 5

Yutuqlari

[tahrir | manbasini tahrirlash]
  • Oʻzbekiston Superligasi: 2012, 2014, 2015, 2019, 2020, 2021
  • Oʻzbekiston Superligasi vitse-chempioni: 2010
  • Oʻzbekiston Superligasi bronza medali sohibi: 2011
  • Oʻzbekiston Kubogi gʻolibi: 2011, 2019, 2020
  • Xitoy chempionati bronza medali sohibi: 2013[12]

Manbalar

[tahrir | manbasini tahrirlash]
  1. ↑ „Egor Krimecni tabriklaymiz!“ (2016-yil 27-yanvar).
  2. ↑ „Tarixda bugun: 19 yoshli Krimecning 88-daqiqadagi goli "Paxtakor"ga OCHLda g'alaba keltirgan o'yin“ (2019-yil 19-aprel).
  3. ↑ Krimets plays for Beijing Guoan on a loan
  4. ↑ „Egor Krimec "Paxtakor" bilan mashg'ulotlarni boshlaydi“ (12-fevral).
  5. ↑ „Egor Krimec "Beyjing Goan"ga ijaraga berildi“ (2016-yil 8-yanvar).
  6. ↑ „Egor Krimec "Beyjing Goan" futbolchisi sifatida tanishtirildi FOTO“ (2016-yil 20-yanvar).
  7. ↑ „Krimec "Paxtakor" mashg'ulotlariga qo'shilish uchun Turkiyaga uchib ketdi“ (2018-yil 12-yanvar).
  8. ↑ „Maxstalievdan Krimecgacha yoxud mavsum omadsizlari TOP-10“ (2021-yil 4-oktyabr).
  9. ↑ „Egor Krimec – “Navbahor” futbolchisi!“ (2022-yil 5-yanvar).
  10. ↑ „Egor Krimec "Navbahor" bilan xayrlashdi“ (2022-yil 18-aprel).
  11. ↑ „Egor Krimec - "Surxon" futbolchisi“ (2023-yil 24-dekabr).
  12. ↑ „Xitoyda mavsum tugadi. Egor Krimec bronza medal sohibi“ (4-noyabr 2013).

Havolalar

[tahrir | manbasini tahrirlash]
"https://uz.wikipedia.org/w/index.php?title=Yegor_Krimets&oldid=5009969" dan olindi