Kontent qismiga oʻtish

Hasanboy Doʻsmatov

Vikipediya, erkin ensiklopediya
(Hasanboy Doʻstmatovdan yoʻnaltirildi)
Hasanboy Doʻsmatov
Hasanboy_1.jpg
Shaxsiy maʼlumotlari
Jinsi erkak
Tavallud paytidagi ismi Doʻsmatov Hasanboy Marufjon oʻgʻli
Fuqaroligi Oʻzbekiston bayrogʻi Oʻzbekiston
Tavallud sanasi 24-iyun 1993-yil (1993-06-24) (31 yosh)
Andijon
Boʻyi 159 sm
Vazni 49 kg
Mukofotlar Oʻzbekiston iftixori
Sport
Qaysi sport boks
Klubi Uzbek Tigers
Faol tomoni chapaqay
Murabbiy(lar)i Ziyovutdin Toygʻonboyev

Hasanboy Maʼrufjon oʻgʻli Doʻsmatov (oʻzbekcha: Дўсматов Хасанбой Марфжон ўғли; 24-iyun, 1993-yil, Andijon viloyati, Oʻzbekiston) – eng yengil vazn toifasidagi (49 kg) oʻzbek professional bokschisi. 2016-yilgi va 2024-yilgi Olimpiada oʻyinlari chempioni, jahon chempioni (2023-yil), Jahon chempionati kumush medali sovrindori (2017-yil), Osiyo oʻyinlari kumush medali sovrindori (2018 yil), uch karra Osiyo chempioni (2015, 2017, 2022), Universiada gʻolibi (2013). 2016-yil Val Barker kubogi gʻolibi[1]. 2013—2014-yillarda boks boʻyicha Ukrainaning „Ukraina atamanlari“ yarim professional jamoasi aʼzosi boʻlgan. Professionallar oʻrtasida 1-ogʻir vazn toifasida amaldagi WBA International chempioni. Afsonaviy final bahsi 2016-yil 14-avgustda Yuberxen Martinesga qarshi kechgan va Hasanboy gʻolibnikni qoʻlga kiritgan[2]. Aiba natijalariga koʻra (17.02.2016) 11-chi oʻrinni egallagan[3].

Hayoti

[tahrir | manbasini tahrirlash]
Rio 2016 yozgi olimpiada finalidagi jangi. Koʻk libosda Hasanboy, qizilda esa – Martines

Hasanboy Doʻstmatov 1993-yil 24-iyunda Andijon viloyatida tugʻilgan. Murabbiyi Ziyatdinbek Toygonboyev. Bokschilik faoliyatini 11 yoshida, Andijondagi boks maktabida boshlagan. 2012-yildan Oʻzbekiston terma jamoasi aʼzosi[4]. Andijon davlat universitetida tahsil olgan[5].

Havaskor boksdagi faoliyati

[tahrir | manbasini tahrirlash]

Doʻstmatov 2009-yilda Qozogʻistonda Qozogʻiston Respublikasi chempioni F. Shonazarov xotirasiga bagʻishlangan xalqaro turnirda birinchi oʻrinni egallab, oʻzining ilk katta muvaffaqiyatiga erishdi. 2011-yilda 49 kilogrammgacha boʻlgan vazn toifasida yoshlar oʻrtasidagi mamlakat chempionatida gʻoliblikni qoʻlga kiritdi.

2013-yilda Olmaotada oʻtkazilgan AIBA jahon chempionatida toʻqqizinchi oʻrin boʻldi. 2014-yilda ukrainalik atamanlar tarkibida rossiyalik David Ayrapetyanga qarshi chorak final jangida gʻalaba qozondi. Oʻsha yili Oʻzbekiston milliy chempionatida ikkinchi, Incheondagi Osiyo oʻyinlarida yettinchi oʻrinni egalladi. 2015-yilda Butunjahon boks seriyasida 7 ta jang oʻtkazib, barcha yetti jangda gʻalaba qozongan.

2016-yil 17-fevraldagi AIBA reytingida 11-oʻrinni egallagan[6].

Havaskor boksdagi natijalari

[tahrir | manbasini tahrirlash]
Doʻsmatov Oʻzbekistonning esdalik markasida, 2017-yil
  • 2009-yil – Qozogʻiston Respublikasi chempioni F. Shonazarov xotirasiga bagʻishlangan xalqaro turnir (Uralsk, Qozogʻiston) – 1-oʻrin
  • 2011-yil – Yoshlar oʻrtasidagi Oʻzbekiston chempionati – 1-oʻrin
  • 2012-yil – Makar Mazay xotirasiga bagʻishlangan „A“ toifasidagi 46-xalqaro turnir (Mariupol, Ukraina) – 1-oʻrin
  • 2012-yil – Checheniston Respublikasi Prezidenti A. X. Qodirov xotirasiga bagʻishlangan IV xalqaro turnir (Rossiya) – 1-oʻrin
  • 2012-yil – Oʻzbekiston chempionati – 1-oʻrin
  • 2013-yil – Oʻzbekiston milliy kubogi – 1-oʻrin
  • 2013-yil – Yozgi Universiada (Qozon, Rossiya) – 1-oʻrin
  • 2013-yil – Oʻzbekiston chempionati – 1-oʻrin
  • 2013-yil – Toʻrt millat turniri (Ostona, Qozogʻiston) – 1-oʻrin
  • 2013-yil – Nikolay Manger xotirasiga bagʻishlangan xalqaro turnir (Xerson, Ukraina) – 1-oʻrin
  • 2014-yil – Checheniston Respublikasi Prezidenti A. X. Qodirov xotirasiga bagʻishlangan VI xalqaro turnir (Rossiya) – 1-oʻrin
  • 2014-yil – Sydney Jackson xotirasiga bagʻishlangan xalqaro turnir (Toshkent, Oʻzbekiston) – 1-oʻrin
  • 2015-yil – Chemistry kubogi (Halle, Germaniya) – 1-oʻrin
  • 2015-yil – Boks boʻyicha Osiyo chempionati (Bangkok, Tailand) – 1-oʻrin
  • 2016-yil – Yozgi Olimpiya oʻyinlari (Rio-de-Janeyro, Braziliya) – 1-oʻrin
  • 2017-yil – Boks bo'yicha Osiyo chempionati (Toshkent, Oʻzbekiston) – 1 oʻrin
  • 2023-yil – Boks boʻyicha jahon chempionati (Toshkent, Oʻzbekiston) – 1-oʻrin[7]
  • 2024-yil – Yozgi Olimpiya oʻyinlari (Parij, Fransiya) – 1-oʻrin

Professional faoliyati

[tahrir | manbasini tahrirlash]

2019-yilning 16-noyabr kuni Doʻsmatov professional ringda meksikalik Jesus Cervantes Villanuevaga qarshi bahs olib bordi. Doʻsmatov ikkinchi raundda Vilyanuevaga chap qoʻli bilan zarba berib, nokautga uchratdi va gʻalaba qozondi[8]. Debyutidan bir yil oʻtib, Doʻstmatov 2020-yilning 24-dekabr kuni Odiljon Sotqinovga qarshi professional bokschi sifatidagi ikkinchi uchrashuvini oʻtkazdi. Doʻstmatov bahsning boshidanoq ustunlik qildi va birinchi raundning oʻzida raqibini toʻrt marta nokautga uchratib nokaut bilan gʻalaba qozondi[9][10].

2024-yilgi yozgi Olimpiada oʻyinlari

[tahrir | manbasini tahrirlash]

Hasanboy Doʻsmatov 2024-yilgi Parijdagi Yozgi Olimpiada oʻyinlarining 1/16 finalida Puerto Riko vakili Xuan Manuel Lopesni 5:0 hisobida magʻlubiyatga uchratgan. Chorak finalda Qozogʻiston vakili Saken Bibossinov bilan toʻqnashib, 3:2 hisobida gʻalaba qozondi[11]. Yarim final bahslarida Kabo Verdelik Daniel Varela de Pinadan ustun keldi va final yoʻllanmasini qoʻlga kiritdi[12]. Finalda Fransiya vakili Billal Bennama ustidan gʻalaba qozondi va oltin medalni qoʻlga kiritdi[13].

Unvon va mukofotlari

[tahrir | manbasini tahrirlash]

Manbalar

[tahrir | manbasini tahrirlash]
  1. ↑ „Uzbekistan’s new Olympic Light Flyweight Champion Hasanboy Dusmatov wins the Val Barker Trophy for the outstanding male boxer of Rio 2016“. 2016-yil 23-avgustda asl nusxadan arxivlangan.
  2. ↑ „Uzbekistan’s new Olympic Light Flyweight Champion Hasanboy Dusmatov wins the Val Barker Trophy for the outstanding male boxer of Rio 2016“. 2016-yil 23-avgustda asl nusxadan arxivlangan. Qaraldi: 2017-yil 20-mart.
  3. ↑ Aiba natijalari (ingl.). 15-avgust 2016-yilda tekshirilgan. (PDF), 2016-09-21da asl nusxadan (PDF) arxivlandi, qaraldi: 2017-03-20
  4. ↑ 4,0 4,1 „Parij-2024 litsenziatlari: “Professor” Hasanboy Doʻsmatov“. olympic.uz. Qaraldi: 4-avgust 2024-yil.
  5. ↑ „O'zbek yo'lbarsi - Hasanboy Do'smatov haqida!“. olamsport.com. Qaraldi: 4-avgust 2024-yil.
  6. ↑ „AIBA rankings“ (en) (pdf). AIBA (2016-yil 17-fevral). 2016-yil 21-sentyabrda asl nusxadan arxivlangan. Qaraldi: 2016-yil 15-avgust.
  7. ↑ „Хасанбой Дусматов завоевал «золото» ЧМ по боксу в Ташкенте“. Newshub.uz.
  8. ↑ „Asian scene: Inoue and Donaire in battle for the ages“ (en). boxingmonthly.com. 2019-yil 13-dekabrda asl nusxadan arxivlangan. Qaraldi: 2019-yil 12-dekabr.
  9. ↑ „Evgeny Terentyev Outpoints Viktor Plotnikov“ (en). boxen247.com. Qaraldi: 2020-yil 31-dekabr.
  10. ↑ „World-rated Potapov wins easily“ (en). fightnews.com. Qaraldi: 2020-yil 31-dekabr.
  11. ↑ „Hasanboy Doʻsmatov yarim finalda!“. olympic.uz. Qaraldi: 4-avgust 2024-yil.
  12. ↑ „Hasanboy Doʻsmatov faoliyatida ikkinchi bor Olimpiya oʻyinlari finalida“. uzreport.news. Qaraldi: 4-avgust 2024-yil.
  13. ↑ „Hasanboy Do‘smatov – ikki karra Olimpiada chempioni bo‘lgan ilk o‘zbek bokschisi!“. kun.uz. Qaraldi: 8-avgust 2024-yil.
  14. ↑ „Bahodir Jalolovga “O‘zbekiston Respublikasida xizmat ko‘rsatgan sportchi” unvoni berildi“. qalampir.uz. Qaraldi: 4-avgust 2024-yil.
  15. ↑ „Бир қатор спортчилар унвон ва орденлар билан тақдирланди“.
  16. ↑ „Диёра Келдиёровадан Улуғбек Рашитовгача: Олимпия ўйинларида иштирок этган бир гуруҳ спортчи ва мураббийлар мукофотланди“. Daryo.uz.
  17. ↑ 17,0 17,1 „Bahodir Jalolov va Hasanboy Do‘smatovga muddatidan oldin podpolkovnik unvonlari berildi“. kun.uz. Qaraldi: 29-avgust 2024-yil. 
"https://uz.wikipedia.org/w/index.php?title=Hasanboy_Doʻsmatov&oldid=5343003" dan olindi