Saharon Shelah
| Saharon Shelah | |
|---|---|
 | |
| Tavalludi |
3-iyul 1945-yil Quddus, Falastin mandatli hududi |
| Istiqomat joylari | Quddus, Isroil |
| Fuqaroligi | Isroil |
| Sohasi | Matematika |
| Ish joylari |
Yahudiy universiteti Rutgers universiteti |
| Akademik rahbarlari | Michael Rabin |
| Mashhur shogirdlari | Rami Grossberg |
| Mashhur ishlari |
PCF nazariyasi Sauer–Shelah lemmasi Shelah kardinali |
| Mukofotlari |
Erdős mukofoti (1977) Rothschild mukofoti (1982) Karp mukofoti (1983) George Pólya mukofoti (1992) Bolyai mukofoti (2000) Wolf mukofoti (2001) Isroil mukofoti (1998) EMET mukofoti (2011) Steele mukofoti (2013) Rolf Schock mukofoti (2018) |
Saharon Shelah (ivritcha: שהרן שלח) (1945-yil 3-iyulda tugʻilgan) — isroillik matematik. Quddusdagi Yahudiy universiteti va New Jerseydagi Rutgers universitetida matematika professori. Shelah matematik mantiq, model nazariyasi va toʻplamlar nazariyasi sohalaridagi ishlari bilan tanilgan. 2001-yil Wolf mukofoti bilan taqdirlangan.
Hayoti
[tahrir | manbasini tahrirlash]Shelah 1945-yil 3-iyulda Quddusda tugʻilgan. Taniqli isroillik shoir va siyosatchi Yonatan Ratoshning oʻgʻli[1].
Faoliyati
[tahrir | manbasini tahrirlash]Shelah 1969-yilda Yahudiy universitetidan barqaror nazariyalar boʻyicha ilmiy ishi uchun PhD darajasini olgan[2]. 1969–1970-yillarda Princeton universitetida oʻqituvchi boʻlib ishlagan. 1970–1971-yillarda esa Los Angelesdagi California universitetida assistent boʻlib ishlagan[2]. 1974-yilda Yahudiy universitetida professor etib tayinlangan va hozirgi kunga qadar shu lavozimni egallab kelmoqda[2]. Shelah, shuningdek, quyidagi universitetlarda mehmon leksiyachi boʻlib ishlagan Wisconsin universiteti (1977–1978), California universiteti, Berkeley (1978 va 1982), Michigan universiteti (1984–1985), Simon Fraser universiteti (1985) va New Jerseydagi Rutgers universiteti (1985). 1986-yildan beri Rutgers universitetida faxriy mehmon professor lavozimida faoliyat yuritib keladi[2].
Akademik karyerasi
[tahrir | manbasini tahrirlash]Shelah model nazariyasida sinflash nazariyasini ishlab chiqqan. Natijada Morley masalasini yechishga muvaffaq boʻlgan. Olim, shuningdek, Arrow nazariyasini saylov tizimlariga tatbiq qilgan. Shelah oʻz ilmiy ishlari bilan model nazariyasi va toʻplamlar nazariyasi sohalari rivojlanishiga salmoqli hissa qoʻshgan.
Manbalar
[tahrir | manbasini tahrirlash]- ↑ (ivritcha) Shelah, Saharon. „זיכרונותיו של בן“ (2001-yil 5-aprel). Qaraldi: 2014-yil 31-avgust. „כשעמדתי להציג לפני חברתי יעל (עתה רעייתי) את בני משפחתי...הפרופ' שהרן שלח מן האוניברסיטה העברית בירושלים, בנו של יונתן רטוש... [As I was about to present to friend Yael (now my wife), my family ... Professor Saharon Shelah of the Hebrew University of Jerusalem, son of Yonathan Ratosh ...]“.
- ↑ 2,0 2,1 2,2 2,3 „Saharon Shelah“. School of Mathematics and Statistics, University of St Andrews, Scotland. Qaraldi: 2014-yil 5-avgust.
Havolalar
[tahrir | manbasini tahrirlash]
 |