Buloqboshi tumani

Buloqboshi tumani
Булакбашинский район

tuman
Tarkibida	Andijon viloyati
Maʼmuriy markazi	Buloqboshi
'	Mamurov Oʻtkirbek Komiljonovich
Rasmiy tillar	Oʻzbek
Vaqt mintaqasi	UTC+5
Xaritada

Buloqboshi tumani — Andijon viloyatidagi tuman. Viloyatning janubida 1992-yil 3-aprelda tashkil etilgan. Buloqboshi tumani shimoliy va sharqda Andijon va Xoʻjaobod tumanlari, gʻarbda Asaka va Marhamat tumanlari, janubida va janubi-gʻarbda Qirgʻiziston Respublikasining Oʻsh viloyati Aravon tumani bilan chegaradosh. Maydoni 0,18 ming km². Aholisi 110 ming kishi (2010). Markazi — Buloqboshi shahri

Tabiati

Tuman hududi togʻ va togʻ oldi tekisliklaridan iborat. Iqlimi keskin kontinental. Yanvarning oʻrtacha harorati — 3,5 °C, iyulniki 26 °C. Yiliga 180-190 mm yogʻii tushadi. Vegetatsiya davri 230 kun. Tuman hududidan Janubiy Fargʻona kanali, Aravonsoy oqib oʻtadi. Tekisliklar boʻz, qoʻngʻir tuproqlar, adirlar qumtosh, mergel, lyoss va chaqirtoshlar bilan qoplangan. Yovvoyi oʻsimliklardan shoʻra, shuvoq, momaqaymoq. yalpiz, qamish, bangidevona, yantoq, otquloq, yulgʻun, ajriq, qirqboʻgʻin, gʻumay, quypichan, qoʻytikan usadi. Echkemar, qashqaldoq, toshbaqa, jayran, tulki, ilon, kaltakesak, tipratikan; qushlardan kaklik, bedana, laylak, yovvoyi oʻrdak, soʻfitoʻrgʻay, sassiqpopishak, qargʻa, zagʻizgʻon, mayna, boyoʻgʻli, burgut va boshqalar yashaydi.

Aholisi

Aholisi soni — 110 ming kishidan ortiq. Har bir kilometr kvadrat maydonga 582 kishi toʻgʻri keladi. Aholining milliy tarkibini, asosan, oʻzbeklar, shuningdek, ruslar, qozoqlar, qirgʻizlar, tojiklar, tatarlar va boshqa millat vakillari tashkil etadi.

Xoʻjaligi

Buloqboshi tumani asosan paxtachilikka ixtisoslashgan. Tumanda 2 GES, „Buloqboshi ipagi“ korxonasi, badiiy buyumlar, trikotaj fabrikasi, poyabzal fabrikasi, tosh koni, xoʻjaliklararo mexanizatsiyalashgan koʻchma kolonna, avtokorxona, elektr tarmoqlari boʻlimi, MTP bor. Tumanda 65 kichik korxona va firmalar, 17 aksiyadorlik jamiyati mavjud. Xoʻjaliklari chorvachilik, bogʻdorchilik, pillachilik, polizchilik, sabzavotchilik bilan shugʻullanadi.

Qihsloq xoʻjaligida sugʻoriladigan yerlar 9363 ga, ekinzorlar 7076 ga, shu jumladan 3440 ga yerga paxta, 681 ga yerga yemxashak ekinlari, qisman grechixa ekiladi. Buloqboshi tumanida 8 shirkat xoʻjaligi, 56 dehqon va chorvachilik fermer xoʻjaliklari bor. Tuman xoʻjaliklari va xususiy fermalarda 3142 qoramol, 4140 qoʻy, 225 ot boqiladi. Yaqin temir yoʻl stansiyasi — Andijon (tuman markazidan 22 km).

Ijtimoiy soha

1999/2000 oʻquv yilida 31 umumiy taʼlim maktabida 22908 oʻquvchi, 2 gimnaziyada 276 oʻquvchi, 1 litseyda 130 oʻquvchi taʼlim oldi. Biznes maktabi, 26 ommaviy kutubxona, 5 klub, 8 qishloq madaniyat uyi, muzey, madaniyat va istirohat bogʻi xizmat koʻrsatmoqda. Tumanda 670 oʻrinli 32 kasalxona, 5 qishloq vrachlik ambulatoriyasi, 3 poliklinika, 17 feldsherakusherlikpunkti, 3 qishloq vrachlik punkti boʻlib, ularda 218 vrach, 980 oʻrta maʼlumotli tibbiy xodim ishlaydi (1999). 1992-yildan „Buloqboshi“ tuman gaz. chiqadi (adadi 4000).

Hududiy boʻlinishi

Tuman 1ta shaharcha va 5ta qishloq fuqarolar yigʻinidan tashkil topgan (jami 31ta qishloqni oʻz ichiga oladi).

• Buloqboshi shaharchasi
• Kulla
• Nayman
• Moyariq
• Shirmonbuloq

Havolalar

• Sayt Andijanskogo oblastnogo xokimiyata (Wayback Machine saytida 2011-12-28 sanasida arxivlangan)^(rus.)