Chuli Begimqulov
| Chuli Begimqulov | |
|---|---|
| Qashqadaryo viloyati Ijroiya qoʻmitasi raisi | |
|
Mansab davri 1943 – 1945 | |
| Oʻtmishdoshi | lavozim ta'sis etilgan |
| Vorisi | Sotqin Badalboyev |
| Mukofotlari |
    |
Chuli Begimqulov (1902—1963) Oʻzbekiston SSR Qashqadaryo viloyati Qarshi tumanidagi Stalin nomidagi kolxoz raisi, Sotsialistik Mehnat Qahramoni.
1902-yilda Buxoro amirligining Dasht qishlogʻida (hozirgi Qashqadaryo viloyati hududi) tugʻilgan. Yollanma choʻponning oʻgʻli.
Fuqarolar urushi yillarida qishloqni talonchilardan himoya qilgan oʻzini-oʻzi mudofaa qilish otryadining boshligʻi boʻlgan.
Kolxoz harakatining asoschisi (1930). 1931-yilda Butunittifoq bolsheviklar kommunistik partiyasiga aʼzo boʻlib, shu yili Oʻzbekiston SSR Qarshi tumani „Qizil yulduz“ kolxoziga rais etib saylanadi.
1939-yildan Qarshi viloyat ijroiya qoʻmitasi raisi.
1943-yil yanvar oyida Qashqadaryo viloyatini tashkil etish boʻyicha tashkiliy qoʻmitaga rahbarlik qilgan. 1943—1945-yillarda Qashqadaryo viloyati ijroiya qoʻmitasi raisi boʻlgan.
1945-yildan yana „Qizil yulduz“ kolxozining raisi boʻlib, kolxoz yiriklashtirilgandan keyin (1950) Stalin nomi bilan atala boshlangan. 1961-yildan „Leninizm“ kolxozi.
SSSR Oliy Soveti Prezidiumining 1958-yil 6-avgustdagi Farmoni bilan qoʻychilikni rivojlantirish, goʻsht, jun va qorakoʻl terisi ishlab chiqarish va davlatga topshirishni koʻpaytirishda erishilgan ulkan muvaffaqiyatlari uchun, shuningdek fan va ilgʻor tajriba yutuqlaridan oʻz faoliyatida keng foydalangani bois unga Sotsialistik Mehnat Qahramoni unvoni berildi.
U uchta Lenin ordeni (23.01.1946, 16.01.1950, 08.06.1958), ikkita Mehnat Qizil Bayroq ordeni (25.12.1945, 11.11.1957) Qizil Yulduz ordeni (12.06.1947) bilan mukofotlangan.
1963-yilda vafot etgan. 1973-yilda oʻzlashtirilgan yerlarda tashkil etilgan Chuli Begimqulov nomidagi 9-sonli paxtachilik sovxozi uning nomi bilan atalgan.
Adabiyotlar
[tahrir | manbasini tahrirlash]- История колхозов и совхозов Узбекистана: исторические очерки. "Мехнат", 1989 - Всего страниц: 492
- Сельскохозяйственная энциклопедия, том 1, 1969.
Havolalar
[tahrir | manbasini tahrirlash]- „Бегимкулов Чули“ (ru). Герои страны.